LP - Tamad (Lazy)

Happy LP sa lahat bagama't marami sa ating mga kababayan ay nahihirapang bumangon sa pinsalang dulot ng bagyong Ondoy o Ketsana. Dalangin ko na sana'y marami pa ang tumulong ng sa gayon ay maibsan ang kanilang mga nararamdamang lungkot bunga ng di inaasahang trahedya sa buhay. Atin ding silipin ang mga lahok ng ibang kasapi sa Litratong Pinoy sa temang TAMAD.

Ang aking unang lahok ay si LOLA. Napagod siya ng kalalakad sa siyudad ng Offenburg kung kaya't tinamad na siyang maglakad, umupo na lamang at inistretch na lamang ang mga paa.

Si MANONG naman ang pangalawa kong lahok. Hindi pa naman siya matanda, pwede pa siyang maghanapbuhay pero siya ay tamad, kung kaya't namalimos na lamang. Hindi ko lubos maisip kung bakit may mga taong gustong mamuhay sa tulong ng iba, wala naman silang kapansanan, katamaran na lang talaga.

Sa ikatlong larawan, si AKO ay tinamad magluto, pizza na lamang sana ang kakainin ko, diet kasi ang drama ko sa buhay ngayon, kaya lang naimbitahan akong mag lunch sa bahay ng isang malapit na kaibigan. Mahirap namang umiwas sa grasya kaya go na rin ako at saka iba talaga kapag may kasalo kang kumain, bigla tuloy nawala sa isip ko ang pagbawas ng timbang, sino ba naman ang di gaganahan sa ulam na sugpo at adobo.