LP - Lakad (Walk)

Magandang HuweBEST sa inyong lahat, LP day na naman at ang ating tema para sa araw na ito ay Lakad, maraming kahulugan ang tagalog word na ito, pwede itong maging destinasyon, proseso, paraan ng paglakad atbp. Tunghayan din natin kung anong lakad mayroon ang ating mga kasapi sa litratong pinoy.

Noong huli naming bakasyon sa Pilipinas, nasira ang isang sinelas ng aking kabiyak habang kami's nasa SM sa santa rosa. Mabuti na lang at may Mr Quickie doon at aming ipinarepair ang nasirang sinelas. Siya ay binigyan ng isang pares ng sinelas upang pansamantala niyang magamit, dahil maliit (ang size niya ay 13), ayaw niyan gamitin ang ibinigay na sinelas, isa na lang ang gagamitin niya. Sa loob ng 45 minuto na kami ay palakad LAKAD sa SM, lahat ng nakakasalubong namin ay sa paa niya nakatingin dahil sa magkaibang pares. Parang sirang plaka rin ako na nag eexplain na nirerepair ang kanyang sinelas, namaos tuloy ako.

Noong katapusan ng Agosto, ang LAKAD namin ay sa Embahada ng Pilipinas sa Frankfurt upang magparehistro sa absentee voting. Iyon ang huling araw na ibinigay ng COMELEC upang ang mga naninirahan sa ibang bansa ay makapagpatala at makaboto sa pambansang halalan sa susunod na taon, Mayo 10, 2010. Iyan ay aking kaarawan kaya iniimbita ko kayong lahat na bumoto, bahala na ang mga kandidato sa pagkain. Alam kong magiging masaya ang aking kaarawan dahil sa dami ng tao.

Suot ang aking LP-tshirt, ako ay nag pose sa isa sa mga simbahan sa Frankfurt, isa sa pinaka malaking siyudad sa Alemanya.

Gusto ko sanang dito magpalitrato suot ang aking LP t-shirt kaya lang may mga kalalakihan na nakaupo sa ibaba ng taong bato na ito.